Пезешкијан го кажа ова пред самитот планиран во Доха како одговор на нападот на Израел минатата недела врз претставници на палестинското движење Хамас во главниот град на Катар.
„Можно е муслиманските земји да ги прекинат врските со овој фиктивен режим (израелскиот) и да го зачуваат своето единство и кохезија колку што е можно повеќе“, рече Пезешкијан пред да замине за Катар.
Иранскиот претседател изрази надеж дека на самитот ќе се „донесе одлука“ за мерките што треба да се преземат против Израел.
