Носачот Абрахам Линколн ги носи најновите американски борбени стелт авиони Ф-35, способни да ги избегнат непријателските радари. Неговата ударна група се состои од три разурнувачи опремени со крстосувачки ракети „томахавк“ за напади врз копнени цели, а обично е придружена од подморница на нуклеарен погон со истото вооружување.
Според сателитските снимки потврдени од Би-би-си верифај, носачот последен пат бил забележан на 15 февруари покрај брегот на Оман.
Соединетите Американски Држави сè уште не одговориле на иранското тврдење.
