„Иран се согласи со барањето на ОН за безбедно поминување на бродови кои носат хуманитарна помош низ Ормускиот теснец“, објави Тајмс оф Техеран преку социјалната мрежа Икс, повикувајќи се на иранскиот амбасадор во Женева.
#BREAKING
Iranian Ambassador to Geneva:
Iran agrees to the UN request for safe transit of ships carrying humanitarian goods through the Strait of Hormuz. pic.twitter.com/Txy5EVjjUo— Tehran Times (@TehranTimes79) March 27, 2026
Тензиите во регионот ескалираа од 28 февруари, кога Соединетите Американски Држави и Израел го нападнаа Иран, при што убија повеќе од 1.340 луѓе, вклучувајќи го и тогашниот врховен лидер Али Хамнеи.
Техеран возврати со серија напади со беспилотни летала и ракети врз Израел, Јордан, Ирак и земјите од Персискиот Залив во кои има американски воени објекти, предизвикувајќи жртви и материјална штета, додека глобалните пазари и воздушниот сообраќај беа погодени.
Иран го затвори Ормускиот теснец за повеќето бродови, клучна рута за превоз на нафта што нормално пренесува околу 20 милиони барели дневно и приближно 20 проценти од глобалната трговија со течен природен гас.
