САД и Иран денеска разгледуваа рамковен план за завршување на петнеделниот конфликт, додека Техеран порача дека сака трајно завршување на војната и се спротивстави на притисокот брзо да го отвори Ормускиот теснец под привремен прекин на огнот.
Иран го доставил својот одговор на американскиот предлог за завршување на војната до Пакистан, одбивајќи прекин на огнот и нагласувајќи ја потребата од трајно завршување на војната, соопшти денеска официјалната агенција ИРНА.
Иранскиот одговор се состоел од 10 точки, меѓу кои завршување на конфликтите во регионот, протокол за безбеден премин низ Ормускиот теснец, укинување на санкциите и обнова, додава агенцијата.
Трамп се закани дека ќе „истури пекол“ врз Техеран ако не постигне договор до 2 часот по полноќ в среда (20 часот по источноамериканско време во вторник), што би овозможило повторно движење на сообраќајот низ клучната рута за глобалните енергетски испораки.
