Во неделата, американскиот претседател Доналд Трамп преку објава на социјалните мрежи ја предложи можноста за промена на режимот во Иран. Засега нема одговор од врховниот лидер на Иран, ајатолахот Хамнеи.
Денеска рускиот претседател Владимир Путин го пречека иранскиот министер за надворешни работи Абас Арагчи во Кремљ, за да разговараат за можните начини за излез од кризата.
За време на состанокот, Путин ги опиша нападите на САД и Израел врз нуклеарната инфраструктура на Иран како „неиспровоцирана агресија“, за која „не може да има оправдување“. Акциите на Израел и САД се „нелегитимни“ и ги кршат меѓународните норми, инсистираше тој.
Конфликтот на Блискиот Исток дополнително ескалираше по одлуката на американскиот претседател Доналд Трамп минатиот викенд да ги нападне иранските нуклеарни објекти во Фордо, Натанц и Исфахан. Откако го објави нападот во објава на Трут сошл, американскиот лидер постојано го повикуваше Техеран да не возвраќа и да се вклучи во разговори, тврдејќи дека сега е „време за мир“.
Најновата ескалација следи по одлуката на американскиот претседател Доналд Трамп да ги нападне иранските нуклеарни објекти во Фордо, Натанц и Исфахан. Откако го објави нападот во објава на Трут сошл, американскиот лидер постојано го повикуваше Техеран да не возвраќа со возвратни мерки и да се вклучи во разговори, тврдејќи дека сега е „време за мир“.
По нападот, Арагчи го осуди потегот на САД како кршење на сите меѓународни договори, наведувајќи дека „Иран ги задржува сите опции за да го одбрани својот суверенитет, интереси и народ“.
