Инцидентот кој ја започна спиралата на настаните се случи ноќта помеѓу петокот и саботата, кога тројца мажи – според неофицијални информации, турски државјани – го нападнале М.Ј. од Подгорица и тешко го повредиле со нож. Полицијата набрзо ги уапси државјанинот на Азербејџан Ј.Г. (31) и турскиот државјанин Н.Д. (54), осомничени за кривично дело насилно однесување. Тие по нападот се забарикадирале во казино.
Во продолжение на акцијата беа приведени 45 лица, главно од Турција и Азербејџан. Полицијата откри неколку неправилности – осум странци беа протерани, а седум беа казнети за кршење на Законот за странци. На двајца им е наредено да останат и да се пријавуваат во полиција, пишува Вијести.
Karadağ’ın başkenti Podgorica’da dün 25 yaşındaki bir Karadağlının bıçaklı saldırıda yaralanması üzerine, 2 Türkiye vatandaşı gözaltına alındı.
🔺Sokaklarda Türklere yönelik saldırılar başladı. Podgorica’da kalabalık bir grup, “Türkleri öldürün” sloganları ile yürüdü. Türklere… pic.twitter.com/TUeGXRlha4
— Voice Of Levant (@VoiceOfLevant) October 27, 2025
Изгорени барови и автомобили
Само еден ден откако во Подгорица беше запален ресторан во турска сопственост, во истата населба Забјело се случи нов напад. Непознат сторител запалил автомобил на авто-плацот Зерен моторс, чиј сопственик е турски државјанин.
Пожарот избувнал околу полноќ, а според Вијести пожарот не се проширил на други автомобили. Сепак, инцидентот се толкува како дел од спирала на насилство и уништување на имотот на странци што ескалираше по ранувањето на жителот на Подгорица.
Претходната вечер, во центарот на Подгорица, на булеварот Иван Црнојевиќ бил уништен бар во сопственост на турски државјанин. Видеата објавени на фејсбук страницата „Очи на Подгорица“ покажуваат скршени прозорци и запален ентериер, додека граѓаните се обвинуваат меѓусебно за „ширење омраза“ и „одмазда“ во коментарите.
Истражителите не ја исклучуваат можноста инцидентите да се поврзани, а полицијата ги третира како целни напади врз имотот на турските граѓани.
Полицијата апелира до граѓаните и предупредува на линч
Полициската администрација апелираше до граѓаните да останат достоинствени и смирени, со порака дека државата нема да толерира самоволие и одмазда.
„Во секоја заедница има поединци кои го нарушуваат јавниот ред и мир, но задача на властите е да ги процесираат ваквите инциденти во согласност со законот. Црна Гора останува безбедна и отворена земја за сите што ги почитуваат нејзините закони“, се вели во соопштението.
Министерството за внатрешни работи и Даночната управа најавија заеднички акции за проверка на живеалиштето и дејноста на странските државјани.
Kad se ne reaguje na ,,nož, žica, Podgorica”, kad se ne reaguje na veličanje koljača i ubica iz drugog svetskog i ratova devedesetih, dobijete ,, ubij Turčina”.
Ponovo ne odreagujete, pa možete očekivati i prigodni soundtrack, sa pesmicama posvećenim 🇧🇦🇦🇱🇭🇷🇽🇰🇲🇪 pic.twitter.com/Ib5yIyfV5R— Đuro (@misantropist000) October 27, 2025
Обвинителството: Се истражува и говорот на омраза
Вишото државно обвинителство во Подгорица отвори случај во врска со снимките на група граѓани во Забјело кои извикуваат пароли како „Убиј го Турчинот!“.
„Целта на истрагата е да се утврди дали постои елемент на кривично дело поттикнување национална, расна и верска омраза во постапките на кое било лице“, објави Обвинителството.
Обвинителството издаде наредба до полицијата да ги идентификува сите учесници и да собере докази за инцидентите, вклучувајќи го и палењето на две возила и вандализираниот бар во турска сопственост.
Турција реагира: „Нашите граѓани мора да бидат безбедни“
Министерството за надворешни работи на Турција објави дека ја следи ситуацијата во Црна Гора и дека е „во постојан контакт со црногорските власти“.
„Веднаш по избувнувањето на настанот, преземени се сите потребни мерки за заштита на нашите граѓани“, се наведува во соопштението.
Анкара ја повика Црна Гора да преземе „конкретни и брзи чекори“ за да спречи понатамошно насилство врз турските граѓани.
Политичка криза и конфликт на мрежите
Премиерот Милојко Спајиќ објави дека Црна Гора привремено ќе го укине безвизниот режим за граѓаните на Турција, што предизвика бура од реакции.
Познатиот турски новинар Ибрахим Хаскологлу ги обвини црногорските власти дека „ја сносат одговорноста“ за ситуацијата затоа што, како што тврди, „дозволиле прилив на криминални групи од Турција“.
„Прифативте луѓе вмешани во перење пари и измами, а сега се обидувате да ја обвините цела Турција“, напиша Хаскологлу на мрежата Икс.
Sjutra po hitnoj proceduri donosimo odluku o privremenom ukidanju bezviznog režima za državljane Turske. U cilju očuvanja ekonomske aktivnosti i dobrih bilateralnih odnosa, u narednom periodu iniciraćemo intenzivne razgovore sa Republikom Turskom kako bi u duhu dobre saradnje i…
— Milojko Spajić (@MickeySpajic) October 26, 2025
Парламентот предупредува: „Не смееме да дозволиме линч“
За ситуацијата се расправаше и во парламентот на Црна Гора. Бранителот на човекови права Синиша Бјековиќ предупреди дека настаните во Подгорица не смеат да доведат до „колективна вина“.
„Ова не смее да ја зајакне ксенофобијата или да нè врати на старите грешки. Црна Гора мора да остане земја на меѓународна хармонија“, кажа Бјековиќ.
Пратениците од различни партии повикаа на смирување на тензиите и ја осудија стигматизацијата на целата нација поради однесувањето на поединците.
