Српската влада денес го прогласи 1 ноември за ден на жалост, откако студентите и граѓанските групи јавно побараа во четврток знамињата на сите институционални згради да бидат спуштени на половина копје на годишнината од трагедијата „во спомен на изгубените животи и во знак на сочувство со семејствата на жртвите“.
Шест колони пешаци и една велосипедисти се движеа кон Нови Сад. Прво пристигнаа учесниците од Нови Пазар, потоа конвојот од Белград, а потоа и групата што тргна од Рума утрово, на која ѝ се придружија студенти од Западна Србија, Шабац, Богатиќ и Сремска Митровица.
Koracima sećanja ❤️ pic.twitter.com/ZfbIV56o38
— Neformalna grupa studenata Niša (@ngs_nis) October 31, 2025
Потоа во градот пристигнаа колони од Банат, Суботица, Сомбор, Врбас и други места во Бачка, додека се очекува пристигнување на група од Бачка Паланка, која исто така тргна утрово.
Вучиќ се обрати до јавноста
Српскиот претседател Александар Вучиќ се обрати до јавноста по повод годишнината од уривањето на настрешницата на железничката станица во Нови Сад, во која загинаа 16 лица.
Вучиќ рече дека тоа е трагедија што длабоко ја потресе земјата и ги прочита имињата на сите загинати. „Утре ќе одам во црква да се помолам и да запалам свеќа за нив. Ги повикувам сите луѓе да го сторат тоа. Доколку собирите се мирни, ги поддржувам“, рече Вучиќ.
Тој додаде дека го разбира гневот на граѓаните што виновниците сè уште не се казнети. „Тоа е разочарувачки и за мене, иако ваквите процеси се сложени и долги. Се надевам дека одговорите ќе дојдат наскоро“, рече тој.
Вучиќ призна дека многумина, вклучувајќи го и него, направиле грешки во текот на изминатата година. „Понекогаш кажував работи за кои жалам што им ги кажав на студенти, демонстранти и други. Се извинувам за тоа“, рече тој.
Тој ги повика граѓаните мирно и со почит да ја одбележат годишнината. „Вистинската правда мора да се спроведе, но не на улица. Утрешниот ден не смее да биде ден што ќе нè раздели, туку ден што ќе нè обедини во тагата“, рече Вучиќ, изразувајќи сочувство до семејствата на загинатите.
Студентите му одговорија на Вучиќ: Неговиот повик за помирување не е искрен
Студентите што ги блокираа факултетите брзо му одговорија на претседателот на Србија, Александар Вучиќ, кој во своето вечервашно обраќање им се извини за претходните изјави и повика на дијалог по повод годишнината од трагедијата во Нови Сад, кога загинаа 16 лица.
На профилот „ФТН се буди“, студентите на Факултетот за технички науки во Нови Сад објавија дека повикот на Вучиќ за помирување не е искрен. „Ако се прашувате зошто повторно нуди дијалог и помирување, а пред еден месец нареди сите да бидеме претепани и уапсени, има една мала цака. Утре се очекува во Нови Сад да пристигнат 47 екипи странски новинари, претежно од Европа, но и од целиот свет. Тоа е тоа“, напишаа студентите.
По наредба на Вишото јавно обвинителство во Белград, припадници на Управата за криминалистичка полиција го уапсија претставникот во градското собрание и претседател на граѓанската група „Буди херој“ Миша Бачулов и, како што тврдат, неговиот помошник Д.Ц.
Српското обвинителство ги сомничи дека планирале дејствија со најмалку уште едно непознато лице што би создале услови за извршување на кривичното дело напад врз уставниот поредок, објави обвинителството.
Претходно беше објавено видео од апсењето, на кое се гледа дека апсењето го извршиле специјални полициски службеници во полна опрема и со вперен пиштол кон Бачулов.
SRAMNO!
Pripadnici Uprave kriminalisticke policije malo pre su u Novom Sadu uhapsili Mišu Bačulova.
Navodno je hteo da se otruje i da za to optuži Vučića. Kako bi izazvao masovne proteste sutra u Novom Sadu?!
Sad će sve da nas hapse pod izgovorom da ne dignemo ruku na sebe! pic.twitter.com/iaa0YToQ1O
— 1. NOVEMBAR (@novosadske) October 31, 2025
