Инграм објасни дека 650.000 деца мора да се вратат на училиште и истакна дека прекинот на огнот е „добра вест“ бидејќи значи крај на секојдневното израелско бомбардирање кое убива деца, но не е доволно за да се стави крај на гладот или да им се обезбеди на семејствата пристап до безбедна вода за пиење, објави палестинската новинска агенција ВАФА.
„Семејствата во Газа продолжуваат да се борат за преживување секој ден, а инфраструктурата која им обезбедуваше вода и медицинска нега на децата е сериозно оштетена, што го отежнува пристапот до овие основни потреби“, кажа Инграм.
Таа рече дека количествата на помош што влегува во Појасот Газа по почетокот на прекинот на огнот малку се зголемила во првите две недели, но „останува жално несоодветна“.
„Количествата што стигнуваат до Појасот Газа се уште се далеку под она што влегуваше во окупираната палестинска енклава пред војната“, изјави портпаролката на УНИЦЕФ Тес Инграм.
