„Прашањето за исчезнатите лица и прашањето за влез на Србија во Европската Унија се две меѓусебно поврзани работи. Не може да се случи една земја да нема билатерално решени отворени прашања со друга, а другата, во овој случај Хрватска, да даде зелено светло за влез во ЕУ“, кажа Анушиќ, а објави Хрватската радиотелевизија.
Тој нагласи дека „прашањето за исчезнатите лица е првото и најважно прашање во односите меѓу Хрватска и Србија“.
„Очекуваме Србија да ја исполни својата обврска“, истакна хрватскиот министер, според медиумските извештаи.
Анушиќ присуствуваше на церемонијата на испраќање на припадниците на 44-от хрватски контингент во операцијата на НАТО на Косово, Кфор.
