„Не му веруваме на окупаторот“ (Израел), изјави ал-Хаја за египетскиот медиум Ал-Кахера њуз, обвинувајќи го Израел за кршење на два прекини на огнот за време на војната.
„Израелската окупација никогаш не ги исполнила своите ветувања. Затоа сакаме вистински гаранции од претседателот Трамп и земјите спонзори“, рече главниот преговарач на Хамас.
„Подготвени сме да (работиме на) договор што би довел до крај на војната, повлекување на израелските сили од Газа и размена на заложниците и затворениците“, додаде тој.
Во Египет се во тек индиректни преговори меѓу делегациите на Израел и Хамас за завршување на двегодишната војна во Појасот Газа според договорот што неодамна го предложи Трамп.
