Некои од примателите препознале дека нешто не е во ред бидејќи повиците и пораките доаѓале од непознат број, а лицето кое се претставувало како Вајлс побарало да продолжи комуникацијата на друга платформа – како што е Телеграм, велат изворите. Инцидентот и покренувањето на федерална истрага прв ги објави Волстрит џурнал.
„Белата куќа многу сериозно ја сфаќа сајбер безбедноста на сите вработени и овој случај е сè уште под истрага“, изјави портпаролот на Белата куќа за Си-би-ес њуз, одговарајќи на прашања во врска со инцидентот.
Директорот на ФБИ, Кеш Пател, за Си-би-ес њуз изјави: „ФБИ ги сфаќа сите закани кон претседателот, неговиот персонал и сајбер безбедноста исклучително сериозно; заштитата на способноста на нашите службеници безбедно да комуницираат е од суштинско значење за исполнување на мисијата на претседателот“.
Според изворот, сомнителни пораки се појавиле во поштенските сандачиња на примателите во период кој засега не е точно познат.
Вајлс, според Си-би-ес њуз им соопштила на своите соработници дека нејзиниот телефон бил хакиран.
