„Еден од нашите сонародници го потпишал израелскиот формулар со кој прифатил депортација без чекање одлука на правосудството. Денес се очекува негово враќање во Франција. Останатите пет го одбиле тоа, а нивната можна депортација ќе се случи по одлука на израелски судија во следните денови“, кажа францускиот министер на маргините на конференцијата за заштита на океаните во Ница.
Climate campaigner Greta Thunberg has been deported. She and a handful of volunteers recently sailed for Gaza, onboard #Madleen by #FreedomFlotilla.
The ship carried a symbolic amount of aid for Palestinians.#GretaThunberg #RimaHassan#Gaza #Israel
pic.twitter.com/TX2F1GDSVM— Sonia Beloch (@sonia_0707_) June 10, 2025
Министерот не го откри идентитетот на францускиот државјанин кој денес ќе се врати во земјата. На бродот Мадлин кој на 1 јуни исплови од Сицилија патуваа 12 луѓе, меѓу кои активистката Грета Тунберг и француската пратеничка во Европскиот парламент Рима Хасан.
Тунберг и другите активисти биле одведени на аеродромот во Тел Авив пред депортацијата, објави израелското министерство за надворешни работи. Бродот е одведен во израелското пристаниште Ашдод, пренесе Ројтерс.
Greta Thunberg just departed Israel on a flight to Sweden (via France). pic.twitter.com/kWrI9KVoqX
— Israel Foreign Ministry (@IsraelMFA) June 10, 2025
Целта на бродот Мадлин беше да однесе хуманитарна помош на Палестинците и да ја прекине израелската блокада на палестинската територија на кои им се заканува глад, според Обединетите нации.
Ова беше втор обид на Коалицијата Флотила за слободата да испрати брод во Газа. На почетокот на мај бродот Совест го прекина своето патување кон уништената енклава откако кај територијалните води на Малта го нападнаа два израелски дрона.
Мадлин до Газа се обиде да однесе сокови, млеко, ориз, конзерви и протеини, донации од граѓаните на сицилискиот град Катанија.
