Нивното минување едвај ја ублажува блокадата од двете страни на тесниот премин, каде околу 1.400 бродови и понатаму се закотвени.
Според податоците проверени од Аексес марин, два брода кои се движеле кон исток – оманскиот Лучија и грчкиот Иолкас дестини – добиле дозвола да поминат низ Персискиот залив денес во раните утрински часови, и покрај најавата на Иран дека теснецот е затворен поради загриженост за кршењето на прекинот на огнот.
Друг брод кој премина од запад кон исток во средата не е идентификуван и може да биде дел од таканаречената флота во сенка, пишува Гардијан.
Аиксес соопшти дека е пријавено високо ниво на „лажирање“ и попречување на сигналот, особено меѓу бродовите закотвени во Заливот, при што многумина пријавиле лажни позиции.
Иако теснецот е ефикасно затворен од почетокот на војната, Иран направи отстапки за сојузниците, вклучувајќи ги Кина, Русија, Индија, Ирак и Пакистан, додека на одредени малезиски и тајландски бродови им беше дозволено да поминат по дипломатските разговори во текот на изминатите шест недели.
Иран објави на 2 април дека ќе им дозволи на бродовите што пловат под филипинско знаме да поминат по понатамошните преговори.
