Протести беа организирани на грчките острови и во пристаништата на грчкото копно по должината на рутата на крузерот „Краун Ајрис“, а неколку од нив доведоа до судири со полицијата.
Синдикатите во Грција и другите земји од Европската Унија се сè погласни во осудата на Израел за безмилосното уништување на Газа и сериозниот недостиг на храна на палестинската територија под израелска блокада.
Early Thursday morning, despite the heavy police presence, the unions and the people of Piraeus, with a mass mobilisation at the port, sent a clear message during the arrival of the cruise ship Crown Iris:
The IDF murderers of the terrorist state of Israel are not welcome in the… pic.twitter.com/GmnXvYyNyj
— PAME Greece International (@PAME_Greece) August 14, 2025
Во пристаништето Пиреја во близина на Атина, демонстрантите држеа факели и мавтаа со палестински знамиња зад кордон полициски автобуси за растурање демонстрации.
Организаторите на протестот, осврнувајќи се на објавите на интернет на патниците на бродот, изјавија дека меѓу патниците има израелски војници кои не се на должност.
„Тие се непожелни тука и немаат што да бараат“, кажа организаторот на протестот Маркос Бекрис.
„Крвта на невини луѓе е на нивните раце и не треба да ги поздравуваме“, додаде тој.
Многу европски влади станаа покритични кон Израел во последните недели, а неколку синдикати отидоа подалеку изразувајќи поддршка за казнени мерки.
