Анкетата спроведена во 57 земји и територии низ целиот свет покажува дека поддршката на граѓаните за светските лидери е во опаѓање, на глобално ниво, и дека папата Лео Четиринаесетти е лидерот со најголема доверба во светот и единствениот со позитивен резултат, со нето скор од плус 24 проценти кој ја одразува превласта на позитивните над негативните мислења. Тоа е малку пониско од неговиот претходник, папата Франциско, чиј резултат беше плус 28 проценти во анкета спроведена во 2019 година, според Галуп интернешнал.
Сите други лидери имаат негативни вкупни оценки, кои значително се намалија во споредба со претходното истражување. Израелскиот премиер Бенјамин Нетанјаху е на дното на скалата со негативен резултат од минус 42 проценти, по него следуваат Владимир Путин со минус 41 процент и Доналд Трамп со минус 31 процент.
Индискиот премиер Нарендра Моди е втор најповолно оценет лидер, но сепак со негативен резултат (-12 проценти), Си Џинпинг е на третото место (-23 проценти).
Меѓу анкетираните земји, Путин има најголема поддршка кај граѓаните на Србија (плус 37 проценти) и Индија (плус 30 проценти), додека најниска е кај жителите на Украина (минус 98 проценти) и Скандинавија, каде што поддршката е над минус 90 проценти.
Граѓаните на Србија му даваат најголема поддршка на Владимир Путин (речиси 37 проценти), по него следува Си Џинпинг со (+22 проценти), а двајцата лидери традиционално уживаат најголема поддршка од граѓаните на Србија, истакнува Галуп, додавајќи дека трендот на опаѓање на поддршката е забележан и во Србија. Во претходното истражување во 2019 година, овие лидери имале речиси двојно повисок нето резултат на поддршка отколку сега.
Индискиот премиер Нарендра Моди исто така има благо позитивен рејтинг (+6 проценти). Српските граѓани најчесто имаат неповолно мислење за израелскиот премиер Бенјамин Нетанјаху (-50 проценти), по што следуваат американскиот претседател Доналд Трамп (-44 проценти резултат) и папата Лео Четиринаесетти (-19 проценти).
Според анкетата, папата Лео е единствениот светски лидер со позитивен резултат од плус 24 проценти, додека понизок рејтинг од тој на граѓаните на Србија има само кај граѓаните на Ирак (-24 проценти) и Турција (-31 процент).
Од 1979 година, Галуп интернешнал ја спроведува меѓународната студија „Гласот на народот – Крај на годината“ на крајот од секоја година за очекувањата за следната година. Во секоја земја, репрезентативниот примерок се состои од околу 1.000 мажи и жени, интервјуирани помеѓу октомври и декември 2025 година, а репрезентативниот примерок во Србија се состоел од 1.020 испитаници интервјуирани лице в лице во ноември 2025 година.
Анализирани се рејтинзите на Доналд Трамп, Си Џинпинг, Владимир Путин, Нарендра Моди, Бенјамин Нетанјаху и папата Лео Четиринаесетти, со посебен осврт на ставовите на граѓаните на Србија.
