Според првичните информации, во инцидентот нема повредени.
Рафинеријата за која станува збор е Мина ал-Ахмади, која се наоѓа во истоименото пристаниште и е меѓу најголемите на Блискиот Исток, со капацитет за преработка од околу 346.000 барели нафта дневно.
Кувајт има вкупно три големи рафинерии, а објектот во Мина ал-Ахмади веќе беше цел на ирански напади со беспилотни летала за време на петнеделниот конфликт.
Кувајската нафтена корпорација објави дека пожарникарите и службите за итни случаи веднаш излегле на терен и работат на гаснење на пожарот, кој зафатил дел од вкупно 39 оперативни единици на рафинеријата, како и на спречување на неговото ширење.
BREAKING : Iran attacked Kuwait again,
Mina Al-Ahmadi refinery struck by at least 2 Iranian drones. Fire is seen in the refinery. pic.twitter.com/kSmNlrClbo— Baba Banaras™ (@RealBababanaras) April 3, 2026
Властите исто така наведуваат дека квалитетот на воздухот во областа постојано се следи и дека засега нема знаци на негативно влијание врз животната средина.
Британија го испраќа противвоздушниот систем „рапид сентри“ во Кувајт по нападот врз рафинеријата за нафта во пристаништето Мина ал-Ахмади.
Одлуката за распоредување на системот е донесена по разговорите меѓу британскиот премиер Кир Стармер и емирот на Кувајт, шеикот Мишал ал-Ахмад ал-Сабах.
„Премиерот го осуди неодговорниот напад со беспилотни летала врз кувајтската рафинерија за нафта во текот на ноќта“, изјави неговиот портпарол.
Тој додаде дека Британија стои зад Кувајт и неговите сојузници во Персискиот Залив.
