Драматични снимки се шират на социјалните мрежи на кои се гледа порој од каллива вода како ги пустоши градовите Ла Рапита и Санта Барбара во покраината Тарагона, носејќи сè пред себе. Поради лошите временски услови, шпанската национална метеоролошка агенција АЕМЕТ прогласи црвена, највисока тревога за крајбрежната покраина. За среќа, досега нема извештаи за смртни случаи или повредени.
Happening now: Massive flooding in Godall, Tarragona Province, Catalonia in Spain. pic.twitter.com/ar5BXsz7Yb
— Weather Monitor (@WeatherMonitors) October 12, 2025
Каталонската агенција за цивилна заштита апелираше до жителите на делтата на реката Ебро во Тарагона да не ги напуштаат своите домови. АЕМЕТ предупреди дека дури 180 милиметри дожд би можеле да наврнат во областа за само 12 часа.
Destructive flooding right now in Godall, Tarragona Province, Catalonia, Spain.
pic.twitter.com/iLik2HbjXj— #كابتن_غازي_عبداللطيف (@CaptainGhazi) October 12, 2025
„Ситуацијата е комплицирана и се предвидуваа уште дожд“, изјави Кристина Висенте, висок функционер во агенцијата, пренесува весникот Ла Вангуардија. Бурата, исто така, предизвика прекин на железничкиот сообраќај на Медитеранскиот коридор, кој ги поврзува градовите како Барселона и Валенсија, до понатамошно известување.
Devastating flooding is currently occurring in La Ràpita, Montsià, Catalonia, Spain.
📷 Jamila Moussaoui Jannati pic.twitter.com/1nVKHo7VXC
— Renalee (@rena_lynnx) October 13, 2025
Во последните денови, обилни дождови и поплави погодија и неколку други региони во југоисточна Шпанија, вклучувајќи ги и Балеарските Острови. Екстремното време е предизвикано од бурата Алис, која се формираше во западниот Медитеран.
