Русија денес соопшти дека ноќва соборила 221 украинско беспилотно летало во еден од најтешките напади на украинската војска во три и полгодишната руска агресија врз Украина.
Нападот се случи во пресрет на почетокот на големите руско-белоруски воени вежби што се одржуваат во близина на Минск.
Од беспилотните летала што воздушната одбрана ги „пресретна и собори“ девет биле во Московскиот регион и 28 во регионот на Санкт Петербург, вториот по големина град во земјата, соопшти Министерството за одбрана преку Телеграм.
A Russian surface-to-air missile flies over the head of a resident in the Northwestern Russian city of Smolensk, scaring him, amidst an ongoing large-scale drone attack against targets in the city by the Ukrainian Armed Forces. pic.twitter.com/50cSDCAPI4
— OSINTdefender (@sentdefender) September 11, 2025
Во северозападниот регион на Санкт Петербург, далеку од фронтот и блиску до балтичките земји и Финска, во нападот се запалил брод во пристаништето Приморск на Балтичко Море, изјави гувернерот Александар Дрозденко.
Гувернерот преку Телеграм додаде дека пожарот е локализиран и дека нема ризик од излевање нафта.
The largest Russian oil port, Primorsk, was attacked in the Leningrad region, and a fire broke out on one of the ships, the governor reported pic.twitter.com/qrL1zDKn0f
— ASTRA (@ASTRA_PRESS) September 12, 2025
Додека руската војска секојдневно ја бомбардира Украина откако ја нападна земјата во февруари 2022 година, Киев, од своја страна, испраќа беспилотни летала кон Русија ноќе.
“Sh*t! Lukoil is fu*ked up!” – reports are appearing in Russian media about explosions in Smolensk region of Russia. pic.twitter.com/NsZHlGiJQF
— Anton Gerashchenko (@Gerashchenko_en) September 11, 2025
Украинската војска во последните недели ги концентрираше своите напади врз нафтената инфраструктура, клучен сектор на руската економија што Западот сака да го санкционира.
Нападите беа во голема мера ограничени на неколку десетици беспилотни летала, значително помалку од над 200-те пресретнати ноќта меѓу четвртокот и петокот.
Tonight’s map from dronbomber shows huge Ukrainian drone attack in three main directions, N, E and SW into fascist Russia- don’t think I’ve seen such an attack so large before. Map compiled from reports of drone activity from Russian sources. pic.twitter.com/tVe54ASyHV
— Euan MacDonald (@Euan_MacDonald) September 11, 2025
Масовниот напад со беспилотни летала на Украина се случи два дена откако руски беспилотни летала влегоа во воздушниот простор на Полска, членка на НАТО, предизвикувајќи тревога кај нејзините европски сојузници.
Полска, Литванија и Латвија, исто така членки на НАТО и соседи на Белорусија, ја засилија својата безбедност и го ограничија воздушниот сообраќај пред почетокот на заедничките руско-белоруски воени вежби во близина на Минск денес.
Воените вежби се нарекуваат „Запад-2025“, што се однесува на фактот дека се одржуваат на запад од руско-белорускиот сојуз. Тие се првите вежби откако започна конфликтот во Украина во февруари 2022 година. Во вежбите од 2021 година беа мобилизирани околу 200.000 руски војници месеци пред Русија да ја започне својата инвазија на Украина.
