Зборувајќи неколку часа по големиот инцидент со неидентификуван дрон на аеродромот во Минхен, министерот кажа дека наскоро ќе презентира нов нацрт-закон за безбедност на воздушниот сообраќај.
Опасноста од беспилотни летала расте, не само поради зголемувањето на нивниот број, туку и поради квалитетот на уредите, според Добриндт.
Тој наведе дека беспилотни летала со распон на крила до осум метри биле видени во германската покраина Шлезвиг-Холштајн. Сепак, министерот не откри детали за видот и бројот на беспилотни летала кои биле забележани во близина на аеродромот во Минхен претходниот ден.
Прашањето за одбраната од беспилотни летала и миграцијата ќе биде на дневен ред за време на викендот со европските колеги на Добринт.
Меѓу другото, ова вклучува развој на европски план за откривање и одбрана од беспилотни летала.
„Постои трка помеѓу заканата од беспилотни летала и одбраната од беспилотни летала“, кажа министерот, додавајќи дека двете мора да бидат избалансирани.
Федералната и покраинските влади препорачуваат формирање заеднички центар за одбрана од дронови во Германија, со присуство на вооружените сили.
Центарот ќе биде одговорен за анализа на заканите, заедничка комуникација и координирање на соодветен одговор. Исто така, ќе биде потребно да се направи разлика помеѓу конкретните закани и обидите за провокација, кажа тој.
Полицијата вчера објави дека неколку лица пријавиле дека виделе дрон во близина на аеродромот во Минхен, еден од најпрометните во Германија, а подоцна беше објавено дека дронот е забележан на теренот на самиот аеродром.
Сè уште не е јасно дали станува збор за еден или за неколку дрона.
Пистите на аеродромот беа затворени како мерка на претпазливост, што влијаеше на околу 3.000 патници. Летовите денес се одвивале редовно.
