Во текот на денот претресени се околу 30 локации во Србија и Германија, запленети се шест килограми кокаин, неколку автомобили, оружје, муниција, луксузни рачни часовници, најмалку 60.000 евра во кеш, уред за откривање на прислушувани комуникации, но и неколку мобилни телефони и лаптопи.
Тој клан, наводно, од 2022 година од Холандија шверцувал кокаин во регионот Рајна-Мајна, а во неколку кафулиња продавале дрога.
До тие локации кокаинот се транспортирал со автомобили со скриени прегради, т.н. бункери, а курири ја превезувале дрогата во Србија, како и во земји од Европската Унија и трети земји.
Европравда соопшти дека меѓу уапсените има наводни организатори, курири и улични дилери.
Српскиот дел од таа криминална група „работел“ од кафуле во Сремска Митровица.
Европравда ги поддржа германските и српските власти во формирањето и финансирањето на заеднички истражен тим, чиј фокус била таа организирана криминална група, а Агенцијата објаснува дека вчера на терен во Германија и Србија биле распоредени околу 400 полицајци.
