Вадефул на заедничка прес-конференција со својот белгиски колега уште еднаш го изрази своето „чудење“ од однесувањето на Унгарија, „со кое таа земја ја предава сопствената борба за слобода“. „Унгарија мора да разбере дека трпението на другите земји-членки брзо исчезнува“, кажа Прево.
Европската Унија сака да го усвои дваесеттиот пакет санкции против Русија од нејзината инвазија на Украина на 24 февруари 2022 година, како и европскиот заем од 90 милијарди евра за финансирање на воените и финансиските потреби на Украина во 2026 и 2027 година. Но, унгарскиот премиер Виктор Орбан ги блокира двата проекта и бара Киев прво да ги врати испораките на нафта преку нафтоводот Дружба, кој беше оштетен од руски воздушни напади во јануари.
„Сите сме свесни за чувствителниот период што го носат изборите“, кажа Прево во време кога унгарскиот националистички лидер заостанува зад кандидатот на опозицијата во анкетите пред парламентарните избори на 12 април. „Но, осмелувањето да се држи судбината и потребите на Украина и нејзиниот народ како заложници во контекст на војна ми се чини како црвена линија“, додаде тој.
Тој истакна дека унгарскиот премиер претходно ѝ се спротивставил на Европската Унија кога станува збор за ова прашање.
Претседателката на Европската комисија Урсула фон дер Лаен, која беше во Киев во вторникот, порача дека ЕУ ќе го одобри заемот за Украина „на еден или друг начин“, и покрај опструкцијата од Будимпешта.
