Апелот го упати германскиот министер за надворешни работи Јохан Вадефул по телефонскиот разговор со неговиот кинески колега Ванг Ји. Во изјава објавена на социјалните мрежи, Вадефул ја истакна конструктивната улога што Кина може да ја игра.
„Кина може конструктивно да го искористи своето влијание врз Иран за договорено решение и прекин на непријателствата против земјите од Заливот“, кажа Вадефул.
Тој нагласи дека блискиот германско-кинески дијалог останува клучен во услови на тензичната глобална атмосфера и додаде дека двете земји се посветени на брзо прекинување на конфликтот и заштита на слободата и безбедноста на меѓународниот поморски сообраќај.
„Германија и Кина сакаат да ја вратат слободата на пловидба во Ормускиот теснец“, кажа Вадефул. „Се согласуваме дека поединечни земји не треба да ги контролираат поморските линии или да наплаќаат за премин“.
