Како што наведува бриселскиот портал, италијанските власти ја истражиле фреската бидејќи по неодамнешната реставрација се чинело дека ја прикажува премиерката Џорџа Мелони во форма на ангел или Ника, фигура од грчката митологија која италијанските монархисти често ја користат.
Цртите на лицето на херувимот биле доработени од истиот сликар кој пред 20 години ги изработил оригиналните решенија за базиликата Сан Лоренцо од Лучина, црква историски поврзана со десничарски политички фигури во Рим.
Неговиот уметнички избор предизвика јавна дебата која брзо стана политичка.
🚨 Only in Italy 🇮🇹
Rome, Basilica of San Lorenzo in Lucina, the face of Giorgia Meloni has appeared as an angel in a newly restored fresco
Some are joking about it, starting with the Prime Minister herself, while others are outraged and are calling for thorough investigations pic.twitter.com/Db60cf9tTd
— Mambo Italiano (@mamboitaliano__) February 1, 2026
Претставниците на опозицијата побараа отворање истрага за „разјаснување на сите одговорности“, додека Министерството за култура спровело увид на лице место во текот на викендот. Локалните претставници на Министерството за култура „ќе проверат дали имало барање за оригиналните декорации од 2000 година и дали има скици или фотографии“, со оглед на тоа што црквата е во сопственост на Министерството за внатрешни работи.
Во неделата, локалната епархија се обиде да се дистанцира од политичките конотации на уметничкото дело, повикувајќи ја јавноста да не ја користи религиската уметност за политички цели. „Приказите на сакрална уметност и христијанска традиција не треба да бидат предмет на несоодветна употреба“, се наведува во соопштението.
🖌️ Un restaurador incluye a Meloni como un ángel en los frescos de una histórica basílica de Roma
Lee los detalles: https://t.co/rlvd3uBoyP pic.twitter.com/NTYgMQbxrA
— El Debate (@eldebate_com) January 31, 2026
Сепак, монсињор Даниеле Микелети, пасторот на базиликата, го намали значењето на целата контроверзност, опишувајќи ја крилестата победа во Сан Лоренцо во Лучина како прашање на уметничка слобода.
На крајот на краиштата, кажа тој, „дури и Караваџо користел лице на проститутка“ во своето сликарство.
