„Велигденското примирје што Путин го објави по малку ненадејно беше маркетиншка операција, операција на шармирање, со цел да се спречи претседателот Трамп да стане нетрпелив и лут“, изјави Баро за Франс инфо.
Обидите на Трамп да поттикне мировни преговори меѓу Русија и Украина се во застој, па тој дури изјави дека е „бесен“ на Путин, а го критикуваше и украинскиот претседател Володимир Зеленски.
Москва го отфрли предлогот на Украина за целосен прекин на огнот и постави долга листа на дополнителни прашања и услови, а во исто време постојано го прекршува договорот според кој украинската инфраструктура не треба да биде напаѓана 30 дена.
