Според соопштението од обвинителството, истрагата е почната минатата година и се фокусира на сомневањето дека партијата делумно ги финансирала кампањите со нелегални заеми помеѓу 1 јануари 2020 година и 12 јули 2024 година. Националниот собир е убедливо најпопуларната десничарска партија во Франција.
Иако никој сè уште не е формално обвинет, истрагата вклучува можно кривично дело перење пари и употреба на фалсификувани документи за време на претседателските избори во 2022 година, парламентарните избори истата година и европските избори во 2024 година.
Претседателот на Националниот собир Жордан Бардела потврди на социјалната мрежа Икс дека е извршена рација во седиштето на партијата, вклучувајќи ги и канцелариите на водечките функционери. Тој кажа дека претресот го извршиле дваесет полицајци од Финансискиот оддел, вооружени и опремени со панцири, придружувани од двајца истражни судии.
Depuis 8h50 ce matin, le siège du Rassemblement National – y compris les bureaux de ses dirigeants – font l’objet d’une perquisition menée par une vingtaine de policiers de la Brigade financière, armés et en gilets pare-balles, accompagnés de deux juges d’instruction.
Tous les…
— Jordan Bardella (@J_Bardella) July 9, 2025
Бардела ја опиша рацијата како „невидена“ и „сериозен напад врз плурализмот“, иако слични рации се извршени во последните години во седиштата на други партии, вклучувајќи ги и оние на центристичката партија Републиканци и левичарската партија Неосвоена Франција, опозициски партии кои се закануваат на мејнстрим партиите кои владеат.
На почетокот, тој кажа дека „не знае точно која е правната основа за оваа акција“ и изјави дека сите „мејлови, документи и сметководствени записи на партијата Национален собир се конфискувани“.
Рацијата доаѓа во време на зголемени политички тензии во Франција, при што Националниот собир води во анкетите пред парламентарните избори со месеци. Иако сè уште нема формални обвиненија, истрагата и полициската акција претставуваат сериозен удар врз имиџот на партијата и нејзиниот обид да се претстави како легитимна алтернатива на мејнстрим политичките сили.
