„Парадата на гордоста“ во унгарската престолнина мора „да се одржи без страв од кривично или административно гонење на организаторите или учесниците“, напиша Фон дер Лаен на Икс.
„Испраќам порака до ЛГБТИКју+ заедницата во Унгарија и на други места дека секогаш ќе бидам нивен сојузник“, додаде таа.
I call on the Hungarian authorities to allow the Budapest Pride to go ahead.
Without fear of any criminal or administrative sanctions against the organisers or participants.
To the LGBTIQ+ community in Hungary and beyond:
I will always be your ally. pic.twitter.com/Wz0GBFRz8C
— Ursula von der Leyen (@vonderleyen) June 25, 2025
Во Будимпешта, од една страна, полицијата ја забрани парадата на гордоста, додека градоначалникот Гергели Карачони противник на претседателот на десничарската влада Виктор Орбан, одлучи да го одржи собирот.
Министерот за правда Бенс Тусон испрати писмо до амбасадорите на другите земји од ЕУ во кое наведе дека ниту тие ниту нивните соработници не треба да учествуваат на парадата. „Правната ситуација е јасна, Парадата на гордоста е забрането собирање“, напиша тој во писмо до кое увид имал АФП.
И покрај забраната, многу европратеници ја објавија својата намера да дојдат во Будимпешта и да учествуваат на парадата во сабота.
Организаторите на парадата очекуваат рекорден број учесници, и покрај тоа што велат Орбан и неговата влада.
Премиерот им советуваше на организаторите „да не се мачат да подготвуваат парада оваа година“. „Тоа е губење пари и време“, рече тој пред гласањето за законските измени со цел да се забрани Прајдот во име на „заштита на децата“.
Забраната беше официјално објавена на 19 јуни, но либералниот градоначалник на Будимпешта вети дека собирот ќе се одржи, тврдејќи дека станува збор за локален настан за кој не е потребна дозвола од властите.
Властите, сепак, побараа парадата да се одржи на затворена локација, како на стадион или хиподром, подалеку од погледот на малолетници.
