Според министерката, објектот ќе биде „во голема мера“ финансиран од средствата на ФЕМА, агенцијата што им обезбедува помош на мигрантите без документи. „Под водство на претседателот Трамп, работиме со полна брзина на економични и иновативни начини за исполнување на она што го бара американскиот народ – масовна депортација на криминални нелегални имигранти“, рече Ноем.
Центарот ќе може да смести до 1.000 луѓе, а изградбата би можела да биде завршена во рок од 30 до 60 дена, изјави државниот обвинител на Флорида, Џејмс Утмаер.
Новиот центар се гради на местото на јавниот аеродром Дејд-Колиер, на околу 58 километри од Мајами.
Во видео објавено на Платформа Икс, Утмаер изјави дека станува збор за „скоро напуштен објект“ и ја нагласи природната непристапност на теренот.
„Ако некој и се обиде да избега, ќе го пречекаат само алигатори и питони. Нема каде, нема каде да се скрие“, рече Утмаер. Проценетите годишни трошоци за работење на центарот се околу 450 милиони долари.
Alligator Alcatraz: the one-stop shop to carry out President Trump’s mass deportation agenda. pic.twitter.com/96um2IXE7U
— Attorney General James Uthmeier (@AGJamesUthmeier) June 19, 2025
Планот веднаш предизвика жестоки реакции. Градоначалничката на округот Мајами-Дејд, демократка Даниела Левин Кава, предупреди дека изградбата во толку чувствителна област може да има „разорни последици за екосистемот Еверглејдс“.
Иако официјалните лица нагласија дека објектот нема да биде сместен во границите на Националниот парк Еверглејдс, загриженоста останува. Станува збор за ретка мочуришна област која вклучува разновидни природни системи, од мангрови до речни брегови, и е дом на бројни заштитени видови.
