„Шефот на Руската Федерација доживеа неуспех во апсолутно сите свои стратегиски цели. Ова е можеби најголемиот стратегиски геополитички неуспех во модерната историја“, рече Стаб во интервју за финската телевизија Иле.
Како доказ за своето тврдење, финскиот претседател го наведе пристапувањето на Финска и Шведска во НАТО, како и одлуката на членките на Алијансата да ги зголемат трошоците за одбрана на пет проценти од БДП. Тој нагласи дека Европа мора да продолжи да ја поддржува Украина и да ѝ обезбеди побрз пат кон НАТО, нагласувајќи дека „територијалните загуби не смеат да се прифатат како нова реалност“.
Стаб неодамна изјави дека односите меѓу Москва и Хелсинки можат да се нормализираат само по завршувањето на војната во Украина, истакнувајќи дека двете земји ги поврзуваат географската близина и заедничката историја.
