„Подобрување на борбената готовност и ефективноста на заедничката мисија“ ќе биде во центарот на оперативната вежба насловена како Коуп тандер“, рече началникот на филипинските воздухопловни сили Артур Кордура на свеченото отворање на вежбата.
Манила и Вашингтон ја зајакнаа одбранбената соработка откако филипинскиот претседател Фердинанд Маркос ја презеде функцијата во 2022 година. Тој се противи на територијалните претензии на Пекинг во Јужното Кинеско Море.
Exercise COPE THUNDER PHILIPPINES 2025-1 kicked-off earlier today 07 April 2025 at Clark Air Base in Pampanga, with the 🇵🇭Philippine Air Force’s FA-50PH Fighting Eagle and the 🇺🇸US Pacific Air Forces F-16C Fighting Falcon being prominent on the tarmac.
📷PTV News & ABS-CBN News pic.twitter.com/qIt0RCNJY1
— Max Montero (@MonteroMax) April 7, 2025
Кина тврди дека има суверенитет над голем дел од островите и гребените во ова море, вклучувајќи ги и водите и островите во близина на бреговите на неколку соседни земји.
САД минатата недела одобри продажба на 20 борбени авиони Ф-16 на Филипините, иако Манила рече дека договорот „сè уште е во фаза на преговори“.
„Темпото на нашиот сојуз се забрзува“, рече американскиот генерал-мајор Кристофер Шепард на церемонијата.
Вежбите, кои ќе траат до 18 април, ќе бидат на островот Лузон, регионот на Филипините најблиску до Тајван.
