ЕПП ги обединува конзервативните и десничарските партии во ЕУ, истакна во соопштението дека врамнотежените извештаи на Европската комисија покажуваат дека српскиот бруто домашен производ расте и дека Србија достигнала меѓународен степен на инвестициска доверба.
Но ЕПП предупредува дека на патот на Србија кон ЕУ ѝ остануваат клучните проблеми со владеењето на правото, нерешеното прашање со Косово, тензиите со соседите и неизвесноста околу надворешнополитичката насока на земјата.
Во соопштението се истакнува дека масовните студентски протести испраќаат силна порака за потребата да се пресмета со корупцијата.
Исто така се посочува дека од Србија се очекува да ги спроведе обврските од Бриселскиот и Охридскиот договор за нормализација на односите со Косово и се додава дека Србија мора да се воздржи од политика со која се поткопува суверенитетот на соседните држави.
ЕПП истакнува дека ниеден европски лидер, особено поврзан со Европската народна партија не смее да учествува на Парадата на победата во Москва и дека на 9 мај треба да го слави Денот на Европа.
Владејачката Српска напредна партија има статус на придружен член во Европската народна партија.
