Полудржавната новинска агенција „Фарс“, повикувајќи се на „извор запознаен со настаните“, јави дека неколку лица биле убиени во судири меѓу полицијата и, како што наведе, вооружени демонстранти во градот Лордеган, на западот на Иран.
И организацијата за човекови права „Хенгав“ извести за смртни случаи во Лордеган, наведувајќи дека безбедносните сили пукале во демонстрантите, при што убиле и раниле повеќе лица.
Судирите во четвртокот во Лордеган, заедно со извештаите за смрт на припадници на безбедносните служби во текот на ноќта и уште еден загинат демонстрант во средата, претставуваат значајна ескалација на немирите што се проширија низ Иран откако во неделата почнаа да протестираат сопственици на продавници.
Protests continued well into the night inside Iran, as seen here in 1. Isfahan 2. smashing down gates of a governmental building in Fars province and 3. the seizure and burning of a Basij headquarters in Asadabad, Hamadan last night. Most significantly however in 4. Baghmalek,… pic.twitter.com/OVCRfLXwbx
— Omid Djalili (@omid9) January 1, 2026
Немирите се одвиваат во критичен момент за иранските клерикални власти, додека западните санкции ја погодуваат економијата оптоварена со инфлација од 40 проценти и по израелските и американските воздушни напади во јуни врз нуклеарната инфраструктура и военото раководство на земјата.
Техеран на немирите одговори со понуда за дијалог, како очигледен помирлив гест проследен со безбедносен одговор. Портпаролката на владата, Фатемех Мохаџерани, во четвртокот изјави дека властите ќе водат директен дијалог со претставници на синдикатите и трговците, без да изнесе дополнителни детали.
Трговци, сопственици на дуќани и студенти на повеќе ирански универзитети со денови протестираат и ги затвораат главните пазари. Владата во средата затвори голем дел од земјата прогласувајќи неработен ден поради студеното време.
Властите во последните години ги задушуваа протестите поради високите цени, сушите, женските права и политичките слободи, често со строги безбедносни мерки и апсења.
Сепак, претседателот Масуд Пезешкијан изјави дека го замолил министерот за внатрешни работи да ги сослуша „легитимните барања“ на демонстрантите.
