„Израелската влада ја носи главната одговорност за оваа нелегална војна, која не само што го претвори нашиот регион во воена зона, туку и наметна економски товар врз целото човештво“, кажа Ердоган. „Не смее да се заборави дека секоја капка крв пролеана во војната ќе го продолжи политичкиот опстанок на израелскиот премиер Бенјамин Нетанјаху“, додаде тој.
„Се надеваме дека патот кон мирот ќе биде отворен без понатамошно крвопролевање. Ќе продолжиме да правиме сè што е во наша моќ за да го постигнеме тоа, дури и ако се изложиме на ризик“, заклучи турскиот претседател.
