Повикyвајќи се на полицијата, Скај њуз пренесе дека во инцидентот загинале најмалку десет лица, додека некои локални медиуми наведуваат дека бројот би можел да биде значително поголем – четириесетина.
#Switzerland | Several people were killed and others injured after an explosion rocked a bar in the luxurious alpine ski resort of Crans-Montana, Swiss police said.
A spokesperson for the cantonal police said that the explosion was of unknown origin but confirmed multiple… pic.twitter.com/vzDcSNaasS
— Deccan Chronicle (@DeccanChronicle) January 1, 2026
Портпаролот на полицијата одби да го потврди бројот на жртвите, но изјави дека многу луѓе се лекуваат поради изгореници.
Во моментот на експлозијата, во барот имало повеќе од 100 луѓе, изјави портпаролот на полицијата.
❗️🇨🇭 ALERTE INFO • Plusieurs morts après une explosion dans un bar à Crans-Montana, en Suisse. Des personnes ont également été gravement blessées. (médias locaux) pic.twitter.com/PbUtjXZ77e
— FOCUS (@FocusFR_) January 1, 2026
Пожарот избувнал околу 1:30 часот по полноќ во барот „Ле Констеласјон“ во Кран-Монтана, каде што полицијата, пожарникарите и спасувачките служби биле ангажирани да им помогнат на жртвите.
Подрачјето е целосно затворено, а над Кран-Монтана е воведена забранета зона за летање, соопшти полицијата, додавајќи дека причината за експлозијата сè уште не се знае.
Швајцарските власти соопштија дека инцидентот се смета за пожар, а не за напад.
Оваа потврда дојде откако полицијата претходно за Скај њуз изјави дека настанот не се третира како терористички чин.
Според претходни извештаи на швајцарскиот медиум Блик, причината можеби била поврзана со пиротехника користена за време на концертот.
Властите исто така потврдија дека меѓу настраданите има и државјани на други земји.
Точните националности засега не се објавени.
