„Во Јарославската област е прогласена закана од дронови. Останете смирени… единиците на Министерството за одбрана и безбедносните сили работат на одбивање на нападот“, порача претходно гувернерот на Јарославската област, Михаил Евраев.
Подоцна, поединечни канали на Телеграм објавија дека избил пожар во државното претпријатие „Комбинат темп“ во градот Рибинск. Рускиот Телеграм-канал „Астра“, повикувајќи се на локални жители, објави дека во Рибинск се слушнале експлозии. Сведоци навеле дека се запалиле резервоари со гориво.
The fire at the oil depot in Rybinsk continued this morning. https://t.co/vXr3SyeDFd pic.twitter.com/myW7ELoLYe
— NOELREPORTS 🇪🇺 🇺🇦 (@NOELreports) December 31, 2025
„Астра“ геолоцирала неколку видеоснимки од местото на настанот и заклучила дека горат резервоари во населбата Копајево во Рибинск. На таа локација се наоѓа државното претпријатие „Комбинат темп“, кое е дел од рускиот систем на државни резерви и се користи за складирање гориво.
🔥 This morning, Enterprise “Temp Combine” of Rosrezerv was hit
💥 Rybinsk oil depot is an important point for the storage and distribution of petroleum products in the North-Eastern region of the Russian Federation. pic.twitter.com/pNGEUZiRQr
— MAKS 25 🇺🇦👀 (@Maks_NAFO_FELLA) December 31, 2025
Руското Министерство за одбрана соопшти дека во текот на претходната ноќ системите за противвоздушна одбрана пресретнале и уништиле 86 украински беспилотни летала. Според тие тврдења, 56 дронови биле соборени над Црно Море, девет над Брјанската област, осум над Липецката област, пет над Краснодарскиот крај и осум над Крим.
Во соопштението на руското Министерство за одбрана нема спомнување за наводно пресретнати дронови над Јарославската област.
