Израел во текот на ноќта почна бран напади врз иранската престолнина Техеран, при што небото се осветли од силните експлозии, што може да се види и на видеата што масовно се споделуваат на интернет.
Plume of smoke over Tehran after this morning‘s wave of airstrikes. @CNN @cnni pic.twitter.com/mzZqMh7Hye
— Frederik Pleitgen (@fpleitgenCNN) March 6, 2026
На снимката се слушаат две лица надвор од кадар како зборуваат за нападите со препознатлив техерански акцент, вели Си-ен-ен, опишувајќи ја конкретната област за која тврдат дека била погодена.
„Кон Пастер! Удрија во тој правец“, вели еден маж, мислејќи на Пастер, кварт во кој се наоѓаат неколку клучни државни институции. „Седи, седи, блиску се“, додава тој.
Видеото почна да кружи на иранските социјални мрежи во раните утрински часови во петокот, среде извештаите за силни бомбардирања над Техеран.
Друга снимка од Техеран од утрово покажува големи облаци сив чад што се издигнуваат над градот по извештаите за интензивни бомбардирања во текот на ноќта. Државните медиуми јавија дека била погодена и Авенија Џомхури, популарна трговска улица и една од најпрометните во центарот на Техеран.
Li Tehranê li ser hev teqînên mezin çêbûn
➡️Piştî ku dengê balafiran li Tehrana paytextê Îranê hat bihîstin, li ser hev teqînên mezin çêbûn.
Dema pêvajoya mizakereyê ya di navbera Tehran û Washîngtonê da dewam dikir, Îsraîl û Amerîkayê di 28ê Sibatê da êrîşên eskerî birin ser… pic.twitter.com/dDsFYY5ZsI
— Anadolu Kurdî (@aa_kurdish) March 6, 2026
Израел, кој го напаѓа Иран од саботата, соопшти дека преминува во следна фаза од оружениот конфликт.
„Во оваа фаза дополнително ќе го демонтираме режимот и неговите воени капацитети“, изјави началникот на Генералштабот Ејал Замир.
Тој најави и „дополнителни изненадувања“ во идните операции во Иран, без да прецизира на што се однесуваат.
Во меѓувреме, Иран почна напади врз цели во земјите од Персискиот Залив, вклучително и американски воени бази и дипломатски објекти, како одговор на американските и израелските воени напади во Иран.
