Украинскиот претседател Володимир Зеленски побара од Вашингтон да им ги продаде ракетите на европските земји, кои потоа би ги проследиле до Украина.
Венс изјави за Фокс њуз дека американскиот претседател Доналд Трамп ќе ја донесе „конечната одлука“ дали да дозволи таков договор.
„Секако разгледуваме неколку барања од Европејците“, рече Венс.
Ракетите „томахавк“ имаат дострел до 2.500 километри, што значи дека во украински раце би можеле да стигнат до Москва. Русија би го сметала давањето на оружјето на Киев за ескалација на војната, објави Ројтерс.
Трамп во минатото ги одбиваше украинските барања за ракети со долг дострел, но сега е фрустриран од одбивањето на рускиот претседател Владимир Путин да ја запре војната.
Кит Келог, специјалниот претставник на САД за Украина, откри дека Трамп навестил дека на Киев сега можеби ќе му биде дозволено да започне напади со долг дострел во Русија.
„Читајќи што кажа Трамп и што кажа потпретседателот Венс, одговорот е да. Искористете ја таа можност за да напаѓате длабоко. Нема безбедни засолништа“, изјави Келог за Фокс њуз во неделата.
