Пожарот на амфибискиот транспортен брод, кој носи повеќе од 360 морнари и има капацитет за 800 војници, избувнал во средата околу 16 часот по локално време. Според соопштението од морнарицата, пожарот бил изгаснат во раните утрински часови во четвртокот. Сепак, јапонската крајбрежна стража, која учествувала во гаснењето, извести дека напорите траеле до 9 часот наутро и дека операцијата за целосно гаснење на пожарот сè уште е во тек.
Американската морнарица потврди дека двајца морнари се здобиле со полесни повреди и биле лекувани во медицинските капацитети на бродот. Во времето на пожарот, бродот бил закотвен во поморската база Вајт бич, која служи како клучна точка за собирање на американските маринци и опрема пред распоредување на амфибиски бродови.
🚨BREAKING NEWS Fire has broke out aboard the USS New Orleans off the Okinawa coast at U.S. Naval Base White Beach. No casualties reported at this time. NHK reporting Japanese Coast Guard ships assisting to put out the fire. The 684′ Northrop Grumman LPD has a crew of 400. And… pic.twitter.com/gjabwZZBdZ
— #TheFreeHawaiian (@free_hawaiian) August 20, 2025
Во гаснењето на пожарот, на екипажот на бродот УСС Њу Орлеанс му помогнале колеги од бродот УСС Сан Диего, кој исто така бил вкотвен во базата. „Клучна поддршка за напорите за гаснење пожари обезбедија Јапонската крајбрежна стража, Јапонските поморски сили за самоодбрана и други команди на американската морнарица во Окинава“, се вели во соопштението. Снимките од јапонскиот јавен радиодифузер НХК покажуваат реморкери како истураат вода врз предниот дел на бродот.
⚡ BREAKING: Fire reported on US Navy vessel off Okinawa, Japan:
The vessel is identified as the USS New Orleans (LPD-18), a large naval ship approximately 208 meters long, with a displacement of 24,433 tons. pic.twitter.com/d5beF2UNJo
— OSINT Updates (@OsintUpdates) August 20, 2025
Аналитичарот и поранешен капетан на американската морнарица, Карл Шустер, истакна дека пожарите се постојана опасност за воените бродови поради големата количина на запалив материјал. Инцидентот личи на најлошиот пожар во поновата историја на американската морнарица, оној на бродот УСС Боном Ричард во јули 2020 година, кој гореше повеќе од четири дена и доведе до расходување на бродот вреден милијарда долари.
Истрагата потоа откри низа системски дефекти, по што американската морнарицата воведе нови процедури за инспекција и обука. Шустер проценува дека штетата од овој пожар би можела да го стави бродот УСС Њу Орлеанс надвор од употреба од 60 до 120 дена. Тој додаде дека овој настан покажува дека морнарицата треба „да ги преиспита и подобри своите процедури за спречување на пожари и гаснење пожари“.
„Пожар од ваков размер порано беше реткост на воените бродови на американската морнарица“, заклучи Шустер.
