„Тукушто ми се јави претседателот Вучиќ да ми соопшти дека добил известување од директоратот на Интерпол дека е уважена жалбата на Србија и дека Интерпол го одбил барањето на Судот на БиХ за распишување црвена потерница по Стевандиќ и по мене“, напиша Додик на социјалната мрежа Икс.
Тој му се заблагодари на Вучиќ на поддршката и „јасната и принципиелна комуникација“ со Интерпол.
„Му благодарам и на премиерот на Унгарија Виктор Орбан, како и на претседателите на сите останати држави кои упатија жалба разбирајќи ја политичката заднина на судскиот прогон на кој сум изложен“, додаде тој.
По Додик е распишана потерница во Босна и Херцеговина, а Судот на БиХ побара распишување и потерница на Интерпол.
Прво Србија упати приговор до Интерпол на тоа барање, а по неа истото го направи и Унгарија.
Судот на БиХ на 27 март наведе дека распишувањето на меѓународна потерница ден претходно побарало Обвинителството на БиХ, кое Додик и Стевандиќ, како и претседателот на владата на РС Радован Вишковиќ ги терети за „напад на уставниот поредок на БиХ“.
