„Тоа би било најдоброто решение. Добрата соработка ќе остане. Уставната криза е вкупна криза на системот во БиХ поради одлуките на (високиот претставник во БиХ Кристијан) Шмит, а одговорноста е на бошњачките претставници кои ги почитуваат одлуките на неовластен странски претставник“, изјави тој за новинарите во Бања Лука по средбата со лидерот на Хрватската демократска заедница на БиХ (ХДЗ БиХ) Драган Човиќ.
Тој оцени дека „ова значи дека Бошњаците сакаат да им се одмаздат на христијаните – Србите и Хрватите“, додавајќи дека „доколку Бошњаците би се организирале во 24 отсто муслиманската држава, не би успеале во тоа, бидејќи се трајно неспособни да го сторат тоа“.
Додик понатаму изјави дека СНСД ги отфрла сите приговори дека е кочница на европскиот пат на БиХ, додавајќи дека на денешната средба со Човиќ била потврдена добрата соработка меѓу двете партии.
„Ние имаме целосна одговорност за функционирањето на уставниот поредок на Босна и Херцеговина. Се обидуваме да обезбедиме институциите на Босна и Херцеговина да функционираат во согласност со уставот“, кажа тој.
Тој оцени дека ќе биде катастрофално ако буџетот не биде усвоен на ниво на БиХ до крајот на годината.
„Во наредниот период доаѓа време за промена на изборниот закон. Го поддржуваме повеќе од една деценија и сме подготвени да учествуваме во тој дел од промените. Сè што направи Кристијан Шмит треба да се поништи“, порача Додик.
Тој исто така кажа дека СНСД ја покажала својата подготвеност да ја зачува стабилноста и мирот во БиХ, додавајќи дека партијата не го оспорува европскиот пат на БиХ, но дека ќе ги „бира соговорниците на тој пат“.
Тој повтори дека нема многу оптимизам кога станува збор за европскиот пат на БиХ.
„Имајќи ја предвид сегашната администрација предводена од шефот на делегацијата на ЕУ во БиХ Луиџи Сорек, каде што нема ниту „п“ од владеењето на правото. Ја имате и (европската комесарка за проширување) Марта Кос, која доаѓа во Сараево и поддржува само еден народ, а тоа се муслиманите“, оцени Додик.
