Централната изборна комисија на Босна и Херцеговина врз основа на конечната пресуда на Судот на Босна и Херцеговина му го одзеде мандатот на Додик како претседател на РС.
Указот за прогласување со целиот текст на законот беше објавен во денешниот Службен весник на РС.
Иако Додик и владејачката коалиција ја отфрлија одлуката на ЦИК да му го одземе претседателскиот мандат и да распишат предвремени избори за претседател на РС на 23 ноември, фактот што потпретседателот Прањиќ го потпиша указот за прогласување на законот значи дека Милорад Додик ја признал и пресудата на Судот на Босна и Херцеговина и одлуката на ЦИК дека тој повеќе не е претседател на РС.
Владејачкото мнозинство во Народното собрание на РС донесе заклучоци во кои не ја признава пресудата на Судот на Босна и Херцеговина, со која Додик беше законски осуден на една година затвор и шест години забрана за вршење јавна функција, поради неспроведување на одлуките на високиот претставник во Босна и Херцеговина.
