„Или ќе победат странците или волјата на народот. Верувам дека волјата на нашиот народ ќе победи“, кажа Додик.
Тој истакна дека нема намера да почитува окупаторски сили.
„Имам мандат и ќе продолжам да ја работам својата работа. Нема да дозволам Република Српска да биде понижена“, порача Додик.
Додик истакна дека го суделе судии кои биле воени судии за време на граѓанската војна во Босна и Херцеговина, кои ги мразат Србите, фокусирани исклучиво на нанесување удари и зло врз Србите.
Тој потсети дека Сена Узуновиќ била воен судија во Коњиц и не ги гонела убијците на семејството Гавриловиќ, каде што биле убиени професор од средно училиште, неговата сопруга и нивните два малолетни синови.
„Од друга страна, постои димензијата на странец. Странец дојде тука да ја реши демократијата. Ќе видиме, или ќе победи демократската волја на нашиот народ или тие ќе победат. Верувам дека волјата на нашиот народ ќе победи“, кажа Додик.
Тој истакна дека Република Српска е под постојана хибридна војна од странци, првенствено од претставникот на Западот Кристијан Шмит, но и од „напади полни со омраза од муслиманите кои никогаш не престануваат“.
„Сè е чудно со нив, тие се залагаат за Дејтонскиот договор, а потоа велат дека е лудачка кошула. Дејтонскиот договор не успеа, некој еден ден ќе отсвири крај, а ние сигурно нема да бидеме во БиХ тој ден“, истакна Додик.
Тој истакна дека Република Српска ќе реши сè мирно.
„Ги повикувам луѓето да ги пронајдат во себе причините за Република Српска и да излеземе на два референдума. Првиот ќе биде овој што ќе го отфрли тоа нивно настојување, а вториот ќе се базира на неприфаќањето на волјата од првиот референдум, што веруваме дека ќе се случи“, кажа Додик.
