Тришиќ Бабиќ, која со години беше советник на Додик, стана привремен претседател на РС врз основа на одлуката на парламентот на ентитетот откако на Додик му беше одземен мандатот кога беше осуден на една година затвор за непочитување на одлуките на високиот претставник на Западот.
Во интервју за Алтернативната телевизија (АТВ) во Бања Лука, која е блиска до властите во РС, Тришиќ Бабиќ за прв пат потврди дека е кандидатка на Сојузот на независни социјалдемократи (СНСД) на Додик за главен преговарач, за што досега само се шпекулираше.
„Моето име излезе бидејќи бев помошник-министер за надворешни работи и десет години бев заменик-министер“, кажа Тришиќ Бабиќ, истакнувајќи дека се нашла на позицијата привремен претседател на РС само поради „сплет на околности“ и всушност има други амбиции.
Таа кажа дека претходниот принципиелен договор во рамките на владејачката коалиција на ниво на БиХ бил главен преговарач да биде лице од редовите на Србите бидејќи шефот на Советот на министри е на Хрватите, додека министерот за надворешни работи е Бошњак, а во РС оцениле дека е логично преговарачот да биде од најсилната политичка партија во тој ентитет, односно СНСД.
На назначувањето на Тришиќ Бабиќ силно се спротивставуваат трите партии од бошњачко-граѓанскиот блок во рамките на владејачката коалиција. Нивниот став е дека оваа позиција под никакви околности не може да ѝ припаѓа на СНСД бидејќи сметаат дека таа партија е антиевропска и проруска, па затоа веруваат дека Додик само би го попречил процесот на преговори преку своите марионети.
БиХ сега се соочува со кратки рокови бидејќи до 17 декември мора да усвои закони за судовите и Високиот судски и обвинителски совет (ВСОС) и да назначи главен преговарач ако сака Европскиот совет да одобри формално отворање на пристапните преговори.
Оваа цел е тешко да се постигне бидејќи двајца од министрите на Додик во Советот на министри во два наврати ја уништија агендата на седниците каде што требаше да се разгледуваат овие закони, а Тришиќ Бабиќ сега потврди дека тие всушност се против предложените закони.
„Тие повторно се обидоа да ја натераат РС да се откаже од својот устав и од своите интереси“, кажа колешката на Додик.
Ова го потврди и самиот Додик речиси истовремено, со порака дека нема да има ништо од новите закони додека не се постигне внатрешен договор, а тој ја искористи објавата на социјалната мрежа Икс за да го навреди шефот на делегацијата на ЕУ во БиХ, Луиџи Сорека, кој упорно повикува на усвојување на законите бидејќи без нив нема напредок на европскиот пат.
Јучерашње неусвајање дневног реда сједнице Савјета министара није никакав покушај да се утиша ЕУ ентузијазам Хрвата ни муслимански цинизам, него чињеница да ти закони и процедуре нису договорени нити усаглашени с институцијама Републике Српске.
Српски министри у Савјету…
— Милорад Додик (@MiloradDodik) December 9, 2025
Тој го нарече Сорека „антисрбин“ кој се залага за унитарна Босна и Херцеговина и „беден остаток од неуспешна политика“ и ја опиша Европската Унија како окупатор.
„Да сакавме да ја трпиме нивната окупација, немаше толку многу пати да се ослободуваме“, заклучи Додик, кој дури и откако беше отстранет од позицијата лидер на СНСД, ги контролира сите најважни лостови на моќ во РС.
