„О, Боже… Немам зборови“, кажала Мачадо во телефонски разговор со секретарот на одборот кој ја доделува, Кристијан Берг Харпвикен.
Нејзината реакција беше објавена од Нобеловиот комитет на социјалните мрежи.
„Ви благодарам многу, но се надевам дека разбирате дека ова е цело движење, ова е достигнување на целото општество. Јас сум само една личност. Сигурно не ја заслужувам“, додаде таа.
Подоцна таа во објава на платформата Икс на англиски јазик напиша: „Ја посветувам наградата на напатениот народ на Венецуела и на претседателот Трамп за неговата решителна поддршка на нашата кауза!“
This recognition of the struggle of all Venezuelans is a boost to conclude our task: to conquer Freedom.
We are on the threshold of victory and today, more than ever, we count on President Trump, the people of the United States, the peoples of Latin America, and the democratic…
— María Corina Machado (@MariaCorinaYA) October 10, 2025
Трамп е жесток критичар на венецуелскиот претседател Николас Мадуро, а Соединетите Американски Држави се една од земјите во светот кои не ја признаваат легитимноста на неговата влада.
Белата куќа претходно ја критикуваше одлуката на норвешкиот Нобелов комитет да се фокусира на Венецуела само неколку дена откако Трамп објави напредок во разговорите за прекин на борбите во Газа меѓу Израел и Хамас.
„Претседателот Трамп ќе продолжи да склучува мировни договори, да ги прекинува војните и да спасува животи… Нобеловиот комитет докажа дека ја става политиката над мирот“, порача портпаролот на Белата куќа Стивен Чунг, на социјалната мрежа Икс.
