Салвини, за време на состанок во Милано, одговарајќи на прашање за можно испраќање италијански војници во Украина, изјавил дека „Макрон сам треба да оди таму, со шлем и пушка“, пренесува Кориере дела сера.
Според француски дипломатски извори, зборовите на Салвини се „спротивни на климата на доверба и историскиот однос меѓу двете земји“.
Неодамнешниот билатерален дијалог, особено во однос на поддршката за Украина, покажа силна врска меѓу Франција и Италија, објави Кориере дела сера.
Претходно во март, Салвини го нарече Макрон „лудак“ обвинувајќи го дека „ја турка Европа кон конфликт со Русија“.
Франција и Велика Британија предводат „коалиција на Подготвени“ која е подготвена да испрати војници во Украина како безбедносна гаранција по евентуалниот мировен договор, додека италијанската премиерка Џорџa Мелони се спротивставува на иницијативата.
