Британската агенција потсетува дека на 5 март објави дека американските воени истражители веруваат дека е веројатно американските сили да се одговорни за нападот врз училиштето на 28 февруари, во време кога американските и израелските сили вршеа напади врз Иран.
„Последиците од овој напад врз училиштето се ужасни. Поголемиот дел од убиените во нападот се девојчиња на возраст меѓу седум и 12 години. Ниту Соединетите Американски Држави ниту израелската влада сè уште не ја презедоа одговорноста за овој напад“, се наведува во писмото потпишано од 46 сенатори.
Писмото е потпишано од сите членови на демократската група во Сенатот, освен Џон Фетерман од Пенсилванија, сенатор познат по своите отворени ставови и повремено противење на партијата. Неговиот кабинет не одговорил веднаш на барањето за коментар на Ројтерс.
Во писмото се бараат одговори на голем број прашања, вклучително и дали американските сили ги извршиле нападите, какви чекори презела војската за да спречи и ублажи цивилни жртви и каква улога играле алатките базирани на вештачка интелигенција во операциите.
Министерството за одбрана не одговорило веднаш на барањето за коментар на писмото. Хегсет вети дека ќе го врати „воинствениот етос“ во американската војска и правилата за ангажман, упатствата што обично им се даваат на воените сили за време на конфликт, на неодамнешната прес-конференција ги нарече „глупави“.
Амбасадорот на Иран во Обединетите нации вчера изјави дека повеќе од 1.300 цивили биле убиени во американско-израелските напади.
Ниту еден републиканец не го потпиша писмото. Членовите на партијата на претседателот Доналд Трамп, која има мнозинство од 53 места во Сенатот, беа речиси едногласни во поддршката на неговата „стратегија“ кон Иран, а само неколкумина изразија сомнежи за кој било аспект од војната.
Коментарите на пратениците следат додека чекаат барање од Белата куќа, од која се очекува да побара дополнително финансирање за војната. Неколку помошници на Конгресот кажаа дека очекуваат Трамп да побара 50 милијарди долари, иако некои рекоа дека таа проценка изгледа премногу ниска.
