За време на седницата посветена на американскиот интерес за арктичката територија, Вистисен директно му се обрати на Трамп. „Почитуван претседателе Трамп, слушајте многу внимателно. Гренланд е дел од данското кралство 800 години. Тоа е интегрирана земја. Не е на продажба“, кажа Вистисен.
Потоа додаде: „Дозволете ми да го кажам ова со зборови што можеби ги разбирате: Господине претседателе, оде*ете“.
“Trump, go fuck yourself.” Danish MEP Anders Vistisen publicly insulted the US President for his attempts to annex Greenland. “I will say it in your language, President Trump: fuck off,” he declared from the podium.
Give that man a medal 🎖️ pic.twitter.com/j50X0ma0ya
— Beefeater (@Beefeater_Fella) January 20, 2026
Неговиот говор беше прекинат од потпретседателот на Парламентот Николае Стефанута, кој го предупреди за употреба на несоодветен јазик. „Жал ми е, колега, ова е против нашите правила“, кажа Стефанута. „Имаме јасни правила за пцуење и јазик што е несоодветен во оваа сала. Жал ми е што ве прекинувам. Тоа е неприфатливо, дури и ако имате силни политички чувства за ова“. По предупредувањето, Вистисен го одржа остатокот од својот говор на дански јазик.
Инцидентот се случи во време на обновен американски притисок за стекнување на стратегиски лоцирана арктичка територија. Трамп инсистира дека Гренланд, богат со минерали, е клучен за безбедноста на САД и НАТО против Русија и Кина, особено во контекст на топењето на Арктикот и борбата за стратегиска предност.
САД го засилија притисокот со закана дека ќе воведат царини до 25 проценти за осум европски земји поради нивната поддршка за Данска. Како одговор, Европа се закани со контрамерки против САД.
