Обраќајќи им се на студентите, Фредериксен истакна: „Светскиот поредок каков што го знаеме е завршен и не мислам дека ќе се врати“. Таа, исто така, предупреди дека „Русија не сака мир со Европа“ и ги повика Европа и Соединетите Американски Држави да „се држат заедно“. Осврнувајќи се на неодамнешните тензии со Соединетите Американски Држави околу Гренланд, данската премиерка кажа дека двете страни делат загриженост за безбедноста на Арктикот и дека ќе „се обидат да најдат заеднички пат со САД“.
Гренландскиот премиер Нилсен исто така зборуваше за последиците од тензиите со САД врз локалното население. „Како влада, се соочуваме со задачата да се спротивставиме на надворешните притисоци и да се грижиме за нашите луѓе кои се исплашени и преплашени“, кажа тој.
