Данската премиерка Мете Фредериксен претходно рече дека планираното пристигнување на Уша Ванс, сопруга на американскиот потпретседател Џеј Ди Ванс, на популарната трка со санки со кучиња на Гренланд е дел од „неприфатливиот притисок“ врз делумно автономната данска територија.
Белата куќа вчера објави дека наместо тоа, делегацијата ќе ја предводи самиот потпретседател Ванс, но дека тој ќе ја посети само американската вселенска база во Питуфик на северот на островот и нема да дојде на трката.
„Мислам дека е многу позитивно што Американците ја откажаа посетата на гренландското општество. Наместо тоа, тие ќе ја посетат сопствената база Питуфик, а ние немаме ништо против тоа“, изјави министерот за надворешни работи Ларс Локе Расмусен за телевизијата ДР.
