Таинствениот Север никогаш не го откри нејзиното име или возраст, но јужнокорејските разузнавачки претставници веруваат дека таа е ќерката идентификувана од поранешниот американски кошаркар Денис Родман како Џу Ае. Родман се дружеше со семејството на Ким во 2013 година и опишуваше како ја држел во раце како бебе.
Таа беше забележана веднаш зад нејзиниот татко додека се симнуваа од оклопниот воз што патуваше од Пјонгјанг до Пекинг, каде што Ким Џонг Ун присуствуваше на воената парада што ја одржа Кина за да го одбележи предавањето на Јапонија со кое заврши Втората светска војна.
„Џу Ае во моментов е водечки кандидат да стане следниот врховен лидер на Северна Кореја“, изјави за Ројтерс Мајкл Маден, експерт за лидерството на Северна Кореја во Центарот Стимсон. „Таа го стекнува практичното протоколарно искуство што би можело добро да ѝ послужи како следниот лидер на Северна Кореја или како дел од клучната елита“.
Ова е прв пат таа да го придружува Ким Џонг Ун надвор од Северна Кореја, искуство што ниту нејзиниот татко ниту нејзината моќна тетка го немале, рече Маден.
„Таа стекнува вредно искуство во поздравувањето и интеракцијата со странски лидери и други членови на елитата“, додаде тој.
Аналитичарите велат дека нема докази дека Ким Џонг-ун некогаш го придружувал својот татко, Ким Џонг-ил, на странски патувања. Сепак, Џонг-ил патувал во странство со својот татко, основачот на Северна Кореја, Ким Ил-сунг, во 1950-тите, според Ројтерс.
Улогата на Џу Ае доби на важност во последните месеци. Иако се проценува дека има само околу 13 години, таа веќе присуствуваше на важни настани, вклучувајќи го и нејзиното дипломатско деби на прием во руската амбасада во мај
Строго контролираните државни медиуми на Северна Кореја не открија ништо за децата на Ким Џонг-ун сè додека Џу Ае не се појави за прв пат во јавноста во 2022 година, придружувајќи го својот татко на лансирање интерконтинентална балистичка ракета.
Многу малку се знае за другите деца на Ким.
Според извештајот на јужнокорејските разузнавачки служби од 2017 година, Ким и неговата сопруга Ри Сол-ју имаат три деца: син роден во 2010 година, ќерка родена во 2013 година, за која се верува дека е Џу Ае, и во 2017 година дете чиј пол не е потврден, објави Гардијан.
Разузнавачката агенција на Јужна Кореја смета дека Ју Ае е најверојатниот наследник досега, и покрај прашањата дали таа воопшто може да го достигне врвот на династијата доминирана од мажи.
И покрај проблемите со тежината, Ким – за кој се верува дека има 41 или 42 години – очигледно е во добра здравствена состојба, спротивно на шпекулациите што кружеа на почетокот на пандемијата на ковид-19 за неговото неколкунеделно отсуство од јавниот живот.
Меѓутоа, нема сомнеж дека улогата на Џу Ае доби на важност во последните месеци. Иако се проценува дека има само околу 13 години, таа веќе присуствуваше на важни настани, вклучувајќи го и нејзиното дипломатско деби на прием во руската амбасада во мај.
„Опсегот на нејзините јавни појавувања сигурно се прошири со текот на годините од места поврзани со војската до политички и економски настани“, вели Рејчел Мин-јонг Ли од Центарот Стимсон. „Ако ова е дел од кампањата за наследување, сигурно би придонело за таа цел бидејќи би се сметало за меѓународно деби на Ким Ју Ае.“
„Иако е прерано да се каже со сигурност дека оваа посета значи дека таа е наследничка на Ким Џонг-ун, сепак може да помогне во проширувањето на нејзините хоризонти“, рече Ли, додавајќи дека начинот на кој севернокорејските медиуми известуваат за Џу Ае во Кина би можел да даде повеќе увид.
