Во видеото, кое беше објавено на неговиот официјален канал на Телеграм, Кадиров не зборува директно во камерата – прикажан е како оди, видливо уморен, додека на снимката може да се слушне глас како чита порака во негово име.
„Сè почесто слушам озборувања за мојата болест. Велат дека умирам и дека не ми останува многу време. Прво, болеста и смртта се патот на секој човек. Никој жив не избегал од тој пат. Второ, ниту болеста ниту заканата не го скратуваат животот. Неговата должина ја одредува само оној што ти дал здив“, се вели во пораката.
„Ако ми е судено да живеам 50, 60 или 70 години, ќе ги живеам како што ми е судено и никој нема да ми одземе ниту еден ден.“ Оние што шират информации за неговата болест ги нарекува „озборувачи без храброст“ кои „се кријат во странство како глувци“.
Кадыров прокомментировал «сплетни» о своей болезни
В телеграм-канале Рамзана Кадырова был опубликован 45-секундный ролик, в котором глава Чечни идет возле башни. Закадровый голос от его лица зачитывает следующее:
«Все чащу слышу сплетни о своей болезни. Мол, я умираю, мне… pic.twitter.com/BPdgOWJk6G
— Новая газета Европа (@novayagazeta_eu) May 27, 2025
Кадиров, роден на 5 октомври 1976 година, има 48 години. Тој од 2007 година е на чело на Чеченија, која формално е федерален субјект на Руската Федерација. Украинскиот парламент ја признава Чеченија како привремено окупирана територија под името Чеченска Република Ичкерија.
Видеото доаѓа откако рускиот независен портал „Новаја Газета“ претходно овој месец објави дека здравјето на Кадиров видливо се влошува и дека во политичката елита се активирани сценарија за промена на власта во Чеченија. Според медиумот, Кадиров страда од панкреасна некроза – сериозна дијагноза која, велат тие, не остава простор за закрепнување.
Гласините за неговата лоша здравствена состојба се појавуваат повремено од минатата година, но официјален Кремљ никогаш не ги коментираше, а самиот Кадиров досега претежно ги игнорираше или исмејуваше. Ова соопштение, иако не е директно признание на болеста, е прв пат чеченскиот лидер воопшто да признае дека постои загриженост на јавноста и на медиумите за неговата здравствена состојба.
